الأكل بالشمال هنا ف السعودية جريمة شنعاء لا تغتفر فإذا كنت معزوم على العشا عند واحد سعودي واكلت بإيدك الشمال سيحدث الآتي:
سينظر لك شذرا ويسمعك خطبة عصماء عن الطاعة وعن الجنة والنار وإن الحال المحزن اللي وصله المسلمين ده بسبب عدم إتباع السنه والإستهانه بها وده غضب من ربنا يعني كل الكوراث والخراب اللي بيحصل لللأمة مش سببه الاهمال ولا الفساد ولا الحزب الوطني ولا حسني مبارك لالا أبدا
إنت السبب لأن سيادتك بتاكل بإيدك الشمال (روح يا شيخ منك لله)
وبعدين يختم كلامه بالحديث الشهير "كل بيمينك وكل مما يليك"
و فى النهاية نفسك تتسد وتحس إنك لوأبوك قفشك وانت بتتفرج على الكليب الاخير بتاع بوسي سمير كان اهون لك من الإحراج ده ...
وبعدين بعد الأكل يجيله العامل الهندي اللي شغال عنده يطلب مرتبه اللي مأخدهوش من تلات شهور
يقوم يزغرله وهو بيستاك(بيستعمل السواك) حسب السنه!
ويقوله بعدين ده وقته الأسبوع اللي جاي إن شاء الله
إنت مش بتاكل وتشرب عايز إيه تاني؟ ..غور إغسل السيارة...
وينادي على الخدامة الأندونيسية عشان تشيل الأكل اللي فايض منه واللي يكفي
عشر أسر من بتوع العشوائيات لمدة أسبوع وترميه فى الزباله....
وبعدين يدخل ينام على جنبه الأيمن وهومرتاح البال و مطمن إنه
لو ربنا أخده وهو نايم(يارب)
هيدخل الجنه بدون حساب
ومش الأكل بس ..يا ويلك لو كنت ف محل وللا حاجة
وإديته الفلوس بالشمال يتنفض ويتنطر وكأن كهربا مسته
ويقولك باليمين يا شيخ ..
وبعدين يغالطك ف الحساب ويديلك الباقي ناقص..... بس بإيده اليمين!
ملحوظة رفيعة : البوست ده اللي أوحي لي بيه أخويا محمد مشهور
ليست هناك تعليقات:
إرسال تعليق