النهاردة الفالانتين
زي النهاردة من سنتين كنت لسه جاي السعودية
كنت بشتغل ف بنك وبنروح الشغل بزي رسمي يعني لازم بدله وف اليوم ده واحد زميلي ف الشغل ميعرفش حاجه من الاعياد غير العيد الصغير عشان بياكل فيه كحك والعيد الكبير عشان بياكل فيه لحمة وعمره ما سمع عن عيد الحب وللا الفالانتين لأنه مفيهوش اكل.. بس من حظه الازرق انه كان لابس كرافته حمرا ولأن حظه زي ماقلنا أزرق يقابله أحد موظفي الإختراع السعودي البغيض اللى إسمه هيئة الامر بالمعروف والنهي عن المنكر ودي طبعا أعلى سلطه ف المملكة دول اللي من حقهم ينطو لك في اي حته في بيتك.. في شغلك.. وينطو لك في بنطلونك عشان يتأكدوا إنك متلزم بالقوانين وبتاكل بإيدك اليمين ومعندكش قنوات أغاني ف التلفزيون ومربي لحيتك كويس عشان تدخل الجنه معاهم
المهم أخينا قابل واحد منهم ودول بقي بينقوهم مخصوص زي ما بينقوا بتوع الامن المركزي عندنا ف مصر (اللي بيعرف يقرا يجي يمين واللى مبيعرفش يجي شمال.... بيتبقي شوية ف النص هما دول اللي بياخدوهم الهيئة الموقرة)
الموظف قال لزميلي
لا بس أحمر ..انت ما تدري إن هادا اللي تسمونه عيد الحب حرام
تعال معنا....طب فيه إيه ...آجي معاكو على فين؟؟؟
عنها وراحوا واخدينوا مسابهوش غير تاني يوم وهاتك يا وعظ وإرشاد و كتب عن عذاب القبر والجحيم المستعر لازم يقراها عشان هيتسئل فيهاوأجبروه يصلي من الظهر للظهر اللي بعده متواصل لما طلعوا عينه ( مشيها عينه) واللي غاظه قوي انه طول اليوم ده يحاول يعرف هما خدوه ليه مفيش حد عايز يفهمه أبدا ومعرفش إيه جريمته غير لما شفته تاني يوم وشرحت له إن اللون الأحمر مرتبط إرتباط شرطي بعيد الحب والموظف إفتكره بيحتفل بيه .
وده كله حصل لواحد مسمعش عن الفالانتين الملعون قبل كده خالص
تخيلوا معايا لو واحد نفسه الامارة بالسوء قدرت عليه ووسوست له إنه يشيل دبدوب وللا اللهم احفظنا قلب أحمر كبير زي أخونا المدون أحمد الصباغ ممكن يعملوا فيه إيه؟؟
وبالمناسبة دي وعشان أكون خلصت ضميري أتوجه بالنداء لإدارة النادي الاهلي لو هييجوا يلعبوا ف السعودية وكان معاد الماتش لا قدر الله في ذلك اليوم الآثم المسمي بعيد الحب إنهم ميجيبوش التي شيرت الأحمر والعياذ بالله وياريت يجيبوا التي شيرت الاحتياطي وإلا انا مش مسئول عن اللي هيحصل... المرة دي مش كرافته حمرا ده تي شرت كامل وكمان شراب !!!!!
زي النهاردة من سنتين كنت لسه جاي السعودية
كنت بشتغل ف بنك وبنروح الشغل بزي رسمي يعني لازم بدله وف اليوم ده واحد زميلي ف الشغل ميعرفش حاجه من الاعياد غير العيد الصغير عشان بياكل فيه كحك والعيد الكبير عشان بياكل فيه لحمة وعمره ما سمع عن عيد الحب وللا الفالانتين لأنه مفيهوش اكل.. بس من حظه الازرق انه كان لابس كرافته حمرا ولأن حظه زي ماقلنا أزرق يقابله أحد موظفي الإختراع السعودي البغيض اللى إسمه هيئة الامر بالمعروف والنهي عن المنكر ودي طبعا أعلى سلطه ف المملكة دول اللي من حقهم ينطو لك في اي حته في بيتك.. في شغلك.. وينطو لك في بنطلونك عشان يتأكدوا إنك متلزم بالقوانين وبتاكل بإيدك اليمين ومعندكش قنوات أغاني ف التلفزيون ومربي لحيتك كويس عشان تدخل الجنه معاهم
المهم أخينا قابل واحد منهم ودول بقي بينقوهم مخصوص زي ما بينقوا بتوع الامن المركزي عندنا ف مصر (اللي بيعرف يقرا يجي يمين واللى مبيعرفش يجي شمال.... بيتبقي شوية ف النص هما دول اللي بياخدوهم الهيئة الموقرة)
الموظف قال لزميلي
لا بس أحمر ..انت ما تدري إن هادا اللي تسمونه عيد الحب حرام
تعال معنا....طب فيه إيه ...آجي معاكو على فين؟؟؟
عنها وراحوا واخدينوا مسابهوش غير تاني يوم وهاتك يا وعظ وإرشاد و كتب عن عذاب القبر والجحيم المستعر لازم يقراها عشان هيتسئل فيهاوأجبروه يصلي من الظهر للظهر اللي بعده متواصل لما طلعوا عينه ( مشيها عينه) واللي غاظه قوي انه طول اليوم ده يحاول يعرف هما خدوه ليه مفيش حد عايز يفهمه أبدا ومعرفش إيه جريمته غير لما شفته تاني يوم وشرحت له إن اللون الأحمر مرتبط إرتباط شرطي بعيد الحب والموظف إفتكره بيحتفل بيه .
وده كله حصل لواحد مسمعش عن الفالانتين الملعون قبل كده خالص
تخيلوا معايا لو واحد نفسه الامارة بالسوء قدرت عليه ووسوست له إنه يشيل دبدوب وللا اللهم احفظنا قلب أحمر كبير زي أخونا المدون أحمد الصباغ ممكن يعملوا فيه إيه؟؟
وبالمناسبة دي وعشان أكون خلصت ضميري أتوجه بالنداء لإدارة النادي الاهلي لو هييجوا يلعبوا ف السعودية وكان معاد الماتش لا قدر الله في ذلك اليوم الآثم المسمي بعيد الحب إنهم ميجيبوش التي شيرت الأحمر والعياذ بالله وياريت يجيبوا التي شيرت الاحتياطي وإلا انا مش مسئول عن اللي هيحصل... المرة دي مش كرافته حمرا ده تي شرت كامل وكمان شراب !!!!!
عسل يا كيمو طب وبالنيبة للناس الشول اللى بيستخدموا ايديهم الشمال بس .............. هه ايه نظامهم
ردحذفمحمد مشهور
أبو ريم ياغالي
ردحذفإزيك يا مظبطتني
ربنا يخليك ليا وترفع من روحي المعدنية دايما
البوست الجديد كله عن الاكل بالإيد الشمال عشان خاطر عيونك