باقولهالك بأمانه
وقبل ما تزعل وتتهمني بطولة اللسان
أحب أطمنك انك مش لوحدك
انا كمان برضه ندل ومن أندل خلق الله
كلنا ..
والله كلنا أندال ..
وعشان تصدقني افتكر أيام الامتحانات بتدعي ربنا كام دعوة في اليوم وبتصلي قد إيه وبتسبح قد إيه
أو لو بتمر بأزمة تلاقيك بتقرا قرآن بإنتظام وبتصلي في جماعة لكن للأسف
أول ما الازمة تخلص تبدأ تتغير وتطنش الصلاة والقرآن ..
طب بذمتك مش منتهى الندالة .
طيب لوفيه حد لما يكون عايز منك حاجة تلاقيه بيسأل عليك على طول وبيزورك ويجيبلك هدايا
واول ما مصلحته تخلص يعدي عليك في الشارع يعمل مش عارفك ....
هتقول عليه إيه؟ وهتعمل معاه إيه لو جالك تاني يطلب منك حاجه؟
يعني اللي مترضاش حد يعمله معاك ... تعمله إنت ؟ ومع مين؟ مع رب العالمين سبحانه وتعالى
واللي يحسسك بالذنب وبالكسوف أكترإنك لما بتحتاج له سبحانه وتعالى تاني وتالت ومليون
بتلاقيه واقف جنبك وبيساندك رغم إنك بترجع تاني بعد ما المشكله تتحل تنساه ...
لالالالا ده كتير..... كتير قوي والله
وبتزعل لما أقولك إنك ندل ده أقل واجب
وبعدين على فكرة مش انا اللي بقول كده ده ربنا سبحانه وتعالى هو اللي بيقول
الآيه12 في سورة يونس بتقول(وإذا مس الإنسان الضردعانا لجنبه أو قاعدا أو قائما
فلما كشفنا عنه ضره مر كأن لم يدعنا إلى ضر مسه كذلك زين للمسرفين ما كانوا يعملون) بصراحة كل ما أقرا الآيه دي بحس إني مكسوف من نفسي قوي لأني مش شايف لها غير تفسير واحد بس
إننا أندال يا جماعة أندااااااااااال
عندك حق
ردحذفكلنا اندال ومقصرين جدا
دى مشكلة بنى البشر
ربنا يرحمنا برحمته